Խաղի նպատակն է նպաստել մարդու իրավունքների, կոռուպցիայի կանխարգելման և բարեվարքության, մեդիագրագիտության և քննադատական մտածողության, ինչպես նաև քաղաքացիական կրթության իրազեկվածության բարձրացմանը խաղացողների շրջանում։
Ձեռնարկում տեղ գտած տեղեկություները վերցված են «Բոլորը հանուն հավասար իրավունքների» հիմնադրամի կողմից իրականացված «Էլեկտրոնային գրագիտության և թվային անվտանգության դպրոց» ծրագրի շրջանակում ոլորտի փորձառու մասնագետների կողմից վարած դասընթացների և վերապատրաստումների բովանդակությունից։
Ձեռնարկը ստեղծվել է Բոլորը հանուն հավասար իրավունքների հիմնադրամի (ԲՀՀԻ հիմնադրամ) կողմից «Աջակցություն քաղաքացիական հասարակությանը՝ հանուն բարեփոխումների վրա ներգործության» ծրագրի շրջանակում։ Նյութի բովանդակության համար պատասխանատու է միայն ստեղծողը։ Ձեռնարկում արտահայտված տեսակետները/բովանդակությունը կարող են չհամընկնել Շվեդիայի կառավարության տեսակետների հետ։ «Աջակցություն քաղաքացիական հասարակությանը՝ հանուն բարեփոխումների վրա ներգործության» ծրագիրն իրականացվում է Եվրասիա համագործակցություն հիմնադրամի կողմից Շվեդիայի կառավարության աջակցությամբ։
Հետհեղափոխական Հայաստանում մարդու իրավունքների պատպանության, արդարության վերականգման և հանրության կողմից իրավական համակարգի նկատմամբ վստահության ցուցանիշները հետագա տաս-քսան տարիների տեսլականի կարևորագույն նախապայմաններն են։
Երիտասարդների շրջանում կոռուպցիայի մասին իրազեկվածության մակարդակը ցածր է։ Երիտասարդներն չեն իրականացնում հակակոռուպցիոն նախաձեռնություններ սեփական համայնքներում, չեն մասնակցում համայնքների ինքնակառավարման և որոշումների կայացման գործընթացներում, որպես լիիրավ համայնքի անդամներ։
Կոռուպցիայի մասին իրազեկվածությունն ու հակակոռուպցիոն գործընթացների մեջ ներգրավվածությունը հանդիսանում է առաջնային։
Մարդու իրավունքները և ժողովրդավարացման գործընթացի խթանմամբ դրանց ազատ և անկաշկանդ իրացումը գտնվում են մշտական առաջնահերթությունների ցանկում, որը պետք է հիմք հանդիսանա ավելի ամուր և կայուն պետական համակարգի։
Կրթությունը, առողջության պահպանումը, մշակութային կյանքը համարվում են մարդու բարեկեցիկ կյանքի և բավարար կենսամակարդակի իրավունքի իրացման նախապայմանները, որոնք մշտապես զարգացման կարիք ունեն, անկախ նրանից՝ որ երկրի և ինչ զարգացվածության մասին է խոսքը։